1
“Ottar muitalii gonagas Alfredii ahte son dat lei dat dáža gii orui buot davimusas...”
Ná álggii Ottara muitalus gonagas Alfredi gii lei Eagalanddas eret, sullii 890 máŋgga Kristusa. Ottara dállu ii leat gavdun, muhto galgá leahkit Málatvuonas. Ottar muitalii ahte su davábealde ii lean mihkkege huksejuvvon, muhto sápmelaččat ásse doppe, dálvet bivde ja gesiid ledje guolle bivddus
Go Ottar elii, lei guovlu leamaš geavahuvvon jo 10 000 jagi, dan rájes jo go jiekŋa suttai. 3 000 jágii mannjel Kristusa, álggii eanadoallu viidánit mearragáttiin, ja šattai dehálaš ealáhus. Eanandoallu šattai oassin gávpefierpmádagas máttás. Bivdoálbmot šadde fas oassi gávppašeames nuorttas, 1 000 logus ovdal Kristusa. Dá lea álgu dasa ahte šadde máŋga čeardda.
Mii lea etnisitehta? Sosiála ja oktasaš identitehta celkojuvvon alddis -ja earáin. Etnisitehta čuožžila ja nannejuvvo go joavkkut deaivvadit.
Sámegiela ovdáneapmi, álggii dan guovllus mii odne lea lulli Suopma. Sullii 200 logu mannjel Kristusa viidánii dát giella oktan gávppašemiin davás ja oarjjás siseatnamii. Álgo davviriikalašgiella, viidánii mearariikii ja eanandoallu guovlluide.
Alla hearrát dego Ottar gáibidedje vearu sápmelaččaiguin, muhto lei maid olu gávppašeapmi sin gaskkas, mii lei ákvin goabbat beallai. Go kristtalašvuohta bođii Norgii, de šattai stuorát gaskka dáid joavkkuid gaskkas, mii guoská oskkui ja eallinoidnui.